Betiyaan.....

Betiyaan......  

Angan me khelti,thitholiyaan karti, khusiyo ke rang bikherti, apne sapno ko sahejti, 

Kabhi bachchi bankar sabka dil bahlati, kabhi badi bankar samajhdari dikhati, 

Masum to bahut hoti hai, lekin agar gusse me ho to sara ghar sar pe uthati. 

Badi hui to Maa ke kaam me hath batati, bhaiyo ko bhi jamkar phatkar lagati. 

Bachchi to bas naam ki hi hoti hai, samajhdari to Dadi Maa se bhi jyada dikhati, 

Lekin kismat bhi apne rang dikhati, jo manjil ko ek raah de usi ko hai bhatkati. 

Lekin akhir kab tak ye sawan ke Jhule jhulati, akhir kb tak ye apne aane wale kal ko thukrati. 

Akhir lag rahi haldi, aur haantho me usne mehandi rachayi, 

Aaya subh din, baji sahnaiyaan dekho beti ki doli hai aayi. 

Dekho hoti bhaanwari, barse fool, 

Saat wachan hai in phero ke inme se koi jana na bhul. 

Agni ko sakshi maan kar maang me bitiyaa ke bhara sindoor.

Kanyadaan kar maat pita hai roye ki aaj bitiyaa jayegi  hamse door. 

Samjhate Maata-Pitaa bitiyaa ko ye doori aage tujhe hi to tay karni hai, 

Sada khus rahe beti tu meri tujhe sabki jholi khusiyo se hi bharni hai. 

Hoti bidayi bitiyaa ki sara ghar hai saham gaya, 

Maano is begaani duniya se raham karne wala hi gaya. 

Choukhat bhi ab roti hai ki wo yahi hai kheli, wo mera ek kinaara thi, 

Daadi- baba ke a ankho ka tara thi, 

Bahno ke liye hitler or bhaiyo ke liye pradhan ka naara thi, 

Maa-baap ko chodkar akela kar gayi jo unki ban chuki sahara thi. 

Dekhte hi dekhte na jaane kab badi ho jaati hai betiyaan, 

Maata-Pitaa ko dekar Bhagwaan ka darja khud pujaari ban jati hai betiyaan.... 

🙂🙂🙂☺☺😊😊😊

😞😞😞😞😞😞😞😞😞

👩‍🦰👩‍🦰👩‍🦰👩‍🦰👩‍🦰👩‍🦰👩‍🦰👩‍🦰👩‍🦰👩‍🦰👩‍🦰👩‍🦰

Ye din bhi yaad rahenge.......

Ye din bhi yaad rahenge. . .

Sawal jo uthe sabke, or jawab jo diye hamne, wo  to alag baat thi, 

jawab maine yahi kyu diya, fark man me uthe is sawal ka hota hai. 

Jitne ke baad ki khusi ka to hame nahi pta, 

lekin harne ke baad ka confidence bada kamal ka hota hai.. 

🤨🤨🤨😏😏😏😏😣🤓🤓

😎😎😎🤓🤓😎

Aaj takleef to bahut hui ki hamare sath hi aisa kyu hua-2, 
na ki gyi mehnat kaam aayi or na hi maangi hui koi bhi duwa. 

Duwa suni nahi us Rab ne isliye hm use bhi koste rahe, 
jo manjar aankho me tha baar-baar usi ko Sochte rahe. 

Halat kux aisi thi jaise aage kuaaa or piche khayii, 
na kismat ne sath diya na hame kux diya dikhayi. 

Lekin jab man hua halka to samajh aaya ki khel to hamara tha, 
jo jisme achcha hai wahi aage ayega, 

Janab ye haar-jeet to honi hi thi, to fir aage badho, aage ki socho, 
ab kyu aisa behavior karo ki jaise hum par hi sari Saamat aayi. 

😞😞😞😞😞😞😞😞

Dhalti shaam ke sath hare jarur hai magar subah fir ek nayi muskaan or ek nayi jeet ki hogi....... 

😊😊😊🙂🙂🙂🙂😊😊😊

Aajad parinde kabhi hawaon ke jhoko se nahi darte..... 

🤫🤫🤫🤫🤫🤫🤫🤫🤫🤫🤫🤔🤭
🤭🤔🤔🤔🤔🤫🤫🤫🤫🤫🤫🤫

Dosti...

Dosti.. 

👭👭👭👭👯👯

Itna na satao hame ae dost teri yado ne hame ghayal sa kar diya h. 

Jab bola hi hai aane ko to thoda jaldi aa jao, tumhare intjaar ne hame pagal sa kar diya hai. 

Pagal hone ka gam nahi mujhe-2, kyuki samajhdari agar jyada ho to Risto me asar dalti hai. 

Man hi man na jane kitne malal palti hai. 

Malal to aa hi jata hai man me jab wiswash ki suiyaa sath ni hoti. 

Tumhari adat si ho gyi hai , rona aata hai agar tumse baat nahi hoti. 

Tumhari baton me aisa jadu hai ki na jane kaise ye chamatkar kar diya hai. 

Thode bhatke raha karte the ham , ab likhne lage hai itna samajhdaar kar diya hai.. 

☺☺😊

😜😜😜😜😜

🤝🤝🤝🤝🤝🤝🤝

👭👭👭👭👭👭👭👭👭

Dosti ki koi kitab nahi, 

dosti ka koi hisab nahi. 

Dosti to us kudrat se bhi hasi hai jiska koi Jawab nahi. 

Yu to hamne bahut log dekhe magar ajj kahti hu ki app jaise dost kahi lajawab nahi. . 

😊😊😊🤗🤗🤗🤗🤗🤗🥳🥳🥳🥳🥳🥳

Maa.. 🙏🙏

Maa.

Bas ek hi naam tha Jahen me, 

magar uske bare me sabne itna kux likha ki kux samjh ni Aya ki main kya likhu.  

Logo ne diya kabhi pawitra Ganga ka naam, or kux log kabhi geeta or Quran likhte hai. 

Lekin meri maa ka pyar itna bhi  aasan nahi ki likh sake maa ke bare me sab kux ye meri sasti kalam.. 

Isliye hum is kambakht kalam ko hi bejubaan likhte hai.. 

🙏🙏🙏🙏🙏

Pujyaniya bapu ji.....

Sat Sat Naman 

🙏🙏🙏🙏🙏

Desh me parivesh me har bhesh me dikhe the wo aise wicharvaan ko Jane sara jahan hai, 

Charkhe se samman jinka, dandi yatra maan jinka aise khadidhari ka kux aisa paridam h, 

Swatantrata sangram ho ya ahinsa ke path par chalna, unka itihaas to sabse mahan hai, 

Wisheshta ki sheshta ko ekta me badal dala pujyaniya bapu ji ko mera pradam hai... 

🙏🙏🙏🙏🙏🙏🙏🙏🙏

Ek nayi subah...

Ek nayi subah...  

Surya ki kiran jab dharti par shama bikherti hai, 

Chah-chaha uthti hai chidiya akar ke angan gherti hai. 

Khil rahe kamal talaabo me bhawaro ka gunjan ho raha, 

nratya karte mor van me panchiyo ka shor ho raha. 

Bah rahi nadiya veg se, jharne veg se bah rahe, 

un nadiyo me dekh kaise umang ke naav chal rahe. 

Baj rahi banshi madhur sun kar man prasann ho raha, 

panchiyo ke mithe bol se aasman me shankhnaad ho raha. 

Mand -mand chal rahi shital hawaye kano me aisa bol rahi, 

bhor hui ab jaag pagle watawaran me mishri ghol rahi. 

Aisa drashya dekh man aaj prafullit ho raha, 

ek nayi umang ke sath nayi subah ka agaaj ho raha..... 

🌇🌅🌇🌅🐝🍯🐝🐝🍯🐝🚿🛁😌🏆🏀🏃🏡🚗💨🚴三🏃💨🌞🌴🏄🎇

Some lines of my self...

Some lines of my self..... 

Hum to wo jugnu hai jo roshni me nahi andhere me jalte hai. 

Unhone to hame ish wichar se pakda ki karle muththi me band, 

lekin sayad  unhe yah nahi pta ki hum andhere ke sikandar hai, 

hum sirf ek ped ko hi nahi raat me roshan karte. 

Are tum hame band karo to sahi-------2

Hum to teri andheri muththi ko bhi roshan karne ka pura hunar rakhte hai..... 

🤔🤔🤔😕😕😕🤔🤔🤔

Kya socha tha aur kya ho gaya.....

Kya socha tha aur kya ho gaya... 

Kya socha tha or kya ho gaya...... 

Kya socha tha aur kya ho gaya, 

ek sapna tha wo bhi kho gaya, 

kuch sochkar chale the aage badhne, 

kuch aisa lage hum padhne,

man me to na Jane kitne armano ka shor ho gaya, kuch kisi se batana chaha to wo bhi sunkar bor ho gaya. 

Fir socha, kya socha tha aur kya ho gaya......... 

Kuch ummide thi, kuch hasrate thi, 

kuch kabliyat thi, kuch shararte thi, 

khushi bhi thi, khushi ki wajah bhi thi, 

dukh bhi tha, gam ki hawaye bhi thi, 

Zindgi ki navo me kinare par bhi gahrayi ka khumaar ho gaya. 

Fir socha, kya socha tha aur kya ho gaya........... 

Chalte bhi the, rukte bhi the, 

girte bhi the, sambhalte bhi the, 

khidki se aa rahi hawao ne kuch bataya, 

duniya ne tujhe hi kyu itna sataya, 

tu mat soch jo darwaje par aahat hoti hai, 

mukammal hua koi sapna to kuch rahat hoti hai, 

fir bhi laga ki jamana kyu humse hi khafa ho gaya. 

Fir socha, kya socha tha or kya ho gaya........... 

Makdi se sikho kaise jaal banati hai, 

chiti se sikho kaise wo har jagah mahnat karna sikhalati hai, 

logo ko mithas ka sahad dene wali madhumakkhi ki  to baat hi kuch aur hai, 

Ye sab dekhne or sunne ke baad bhi hum insano ka bolna bhi jahar se jyada ghatak ho gaya.. 

First socha, kya socha tha aur kya ho gaya............ 

😏😏😏😕😕😕😏😏😒😒

Always keep smiling..

Always keep smiling... 

Haste hai, rote hai, khushiya pane ki  koshis me na Jane kitne gamo ko khote hai, 

Wibhinn paristhitiya ati hai jab jivan me, 

tab apni aash ko wiswash banakar, 

zindgi ko jine ke liye na Jane kitne sapno ko sanjote hai..... 🤠

🤠😊😊😊😊😊

Some lines...

Some lines..  

• Khus the abhi tak hum kyuki hame kisi ke samne ki wafa ke piche chupe raj pata nahi the, ab to bas hum in sajisho ke chakrawyuh me faste chale ja rahe hai... 

😔😔😔😔😔😔

• Jab hum bolte the tab bhi sab humse pareshan the, or aj jab Maine bolna band kiya to sabko lagta hai hum bejubaan ho gye. 

Lekin fikra mat karna tum mere na bolne see kyuki aage koi na koi mod hoga, 

sare sawalo ka mere pass tod hoga, 

or tab is bejubaan ka sabke dil or dimag me sirf mere bolne ka shor hoga.... 

😠😠😠😠😠😠

• Suraj ke dhalne se kabhi udaas mat hona kyuki kabhi-kabhi chand ki roshni bhi ujaala kar deti hai... 

Maa-Papa..

Mata or Pita... 

Duniya me to saat ajube hote hai, lekin agar koi janna chahe to ek ajuba hamare mummy or papa bhi hote hai.. 

Kyuki sab to hame koshte hai, najarandaj karte hai, hamari achchaiyo ko bhi hamari galti kahkar hame thukrate hai.. 

Lekin sirf hamare mummy-papa hai jo apne sapno ko todkar, apni pahchan ko piche chod kar, samaaj ke samne hi nahi balki puri duniya ke samne late hai ,or apni ichchao ko bhulkar sari zindagi hame ek ajuba banane me laga dete hai. 

Hamare mummy-papa ek aise ajube hai jo kabhi hame apna dukh dikhate nahi balki hamare dukh ko khushiyo me badalte hai. 

Ajube to bahut dekhe magar jo ajube hamare samne hai unpar gour na karke chale the duniya ki shair karne, sair kiya to duniya me logo se mila jab logo ne thukraya tab ayi unki sikhayi ek baat yaad--

Ki agar duniya me aage badhna hai to khud ko mat badlo apna dekhne ka najariya Or apne, paraye me antar samajhne ka tareeka badlo, tabhi aage safalta hai warna sirf logo ki badsaluki or nirasha ke shiwa kux haasil nahi hoga. 

😔😔😔😔😔😔😔

Maa ek jannat hai or Maa ki Pita mannat hai, jo mili bhagwan se puja or satkar se, 

Jab muraad hui puri to bana ek warg, 

Maat-Pita ke charno me hi to hai swarg..... 

🙏🙏🙏🙏🙏🙏🙏

Kux khaas....

Kux khaas... 

Mratyu teri jab aaye Tu hans ke gale laga lena, 

hasi tere chehre par hogi bas tu apne bhay ko dur bhaga dena. 

Apni pahchan khojne me Sare jamane ke najare nikal jate hai, 

Kisi ko kahi par chand Or kisiko tare najar aate hai. 

Ek question ka answer dhundhne me na jane kitne wars laga dete hai.  

Khojte -khojte tab achanak aayi ek baat raas, 

Mujhme hi to main hu fir kahe ki aash. 

Aash ko jab apna banaya to aaya naya wiswas. 

Ki jamane me to kayi sitare hote hai, lekin main kya hu kabhi socha hi nahi, 

Or chala tha duniya me logo ki pahchan dhundhne... 

Jab zindagi me kux bhi haasil na ho fir bhi apni life se ek ummid lagani padti hai, 

Logo ka kya hai wo to kabhi nahi khus the hamari khushiyon se, 

Jab unhe hmare na hone me khusi mile tab unhe aaina Or hame apni moujudgi bhi dikhani padti hai......... 

Kux socha to jana...

Kux socha to jana.... 

Ek din yu hi baithe soch rahi thi, 

ansuo ko main apne poch rahi thi. 

Janm diya jisne palan poshan kiya jisne, hath pakad kar mujhe chalna sikhaya, mamta ka hath jisne sar par ghumaya, aj use ek naya aayam mila, apni karni ka kya anjaam mila. 

Wo apne aansuo ko pikar hamare aansuon ko pochte rahe, 

or hum har bar na jane kyu unhe hi koste rahe. 

Har waqt hamari chinta, har waqt hamara khayal raha jinke man me, 

apni pareshaniyo ko bhul jab bhi jarurat padi jarurat se pahle kapda diya tan mein. 

Na jane kitne gamon ki aandhi thi unke dil me samayi, 

hamara laal age badhega  yah aash thi man mein jagayi. 

Jisne hamare sone ke liye kitni raaten jaag kar bitadi, 

or aj hum itne bade ho gye ki humne unhe apni aukaat dikhadi. 

Jo aaj bhi hame aage badha rahe hai,  or  aaj  hum unhe na jane kya-kya padha rhe hai. 

Hum karte rahe apni kabhi na suni unki, 

hamari khushiyon me khushiyaan thi jinki. 

Jab mila duniya se to na jane kitne riti -riwajo se mulaqat hui, 

tab yaad aaya pyar sirf jo unhone diya, ab to sirf gamon ki barsaat hui. 

Jo main chod aayi choukhat usme to koi aahat hogi, 

aaj unhe hum bachcho se koi na koi sikayat hogi. 

Jab socha apne liye to main Sare jamane se lad gyi, 

or aayi jab unki yaad, dikha jab wo choukhat tab na jane kyu jameen par gir gyi. 

Girne par jab chot lagi to ek aah sunayi di, 

beti tujhe chot to nahi lagi mujhe ek aawaj sunayi di. 

Us mamta ke aanchal Or pita ke saye ko jab humne napa, 

to wo or koi nahi the apne hi Maa-Papa. 

Unke pyar me na jane kaisi aahat hoti hai, 

jo Sare gamon ko mitade,  unke pyar me aisi taqat hoti hai. 

Unke pyar me kya baat hoti hai ye main kaise batau

jo apne Maa-Papa ko bhul jate hai unhe main kaise samjhau... 

Zindagi me kux aisa kar jao ki kisi bhi cheej ka tumhare sar par koi bhaar na ho, 

bas yahi duaa karna salamat rahe hamare Maa-Papa unpar kabhi gamon ki barsaat na ho.... 

😔😔😔😔😔.. 

Karke to dekh....

Karke to dekh.. 

Teri zindagi hasi ho jayegi kisi ko hasakar to dekh, 

Sare dar dur ho jayenge dar ko bhagakar to dekh. 

Teri bhukh mit jayegi apni thali ka bhojan kisi bhukhe ko khilakar to dekh. 

Ye to jaruri nahi udne ke liye pankh hi ho, 

Sapne apne ap pure ho jayenge, 

Houslon ki udan bharkar to dekh.

Bhatke hue ko to sab rasta dilhate hai, lekin teri zindagi ki sari manjile tujhe dikhengi, 

Kisi andhe ko manjil tak pahucha kar to dekh. 

Waqt Or halat dono jivan ke pahlu, dono hi asan ho jayenge, 

Zindagi ko apnakar to dekh. 

Apni jindgi ko bojh mankar kyu baitha hai tu, 

Zindagi ko bojh samajhne se achcha hai tu abhi apne kadam badhale

Sab kux asan hoga ek bar nishtha se apne kadam badhakar to dekh...  

😊😊😊😊😊

 So Always keep smiling.. 

Kyuki zindagi me kux aisa kar jao ki apki sadgi or khamoshi ko log apka badappan kahe apki aukat nahi... 

Jivan ka saar....

Prem ka arth samajhne me zindagi ban gyi ek aash,

prem waha thaira hi nahi jaha na ho wiswas.

Wiswas ke rahte risto me aisa dhan hai paya,

jo dhan se kabhi na kharid sake prem ki aisi maya.

Maya sang moh badhe man ke do hi bhram,

inke age sab bekar hai chahe jitna karo parishram.

Parishram se hi dhan milta hai diya guru ne gyan,

lobh moh jivan ki dhara diyo na ish par dhyan.

Dhyan gyan sang sath chale to ekagrata kahlaye,

ekagrata jo rahi na man me man ki bhranti kahaye.

Bhranti or bhay ko na samjho apne jivan ka adhar,

prem pratistha apnepan se hai jivan ka saar.

Jivan ka saar prem hai jivan ka adhar,

prem to hai hawa se halka ish par na koi bhar.

Adhar mila hai mata se or pita se mila hai saar,

Maat -Pita ke udgam se hi udit hua sanshar.....

Duniya me sabki koi na koi shan hoti hai koi na koi aan hoti hai,

or sayad ham apne hi Mata-Pita ko bhul jate hai jinse hamari pahchan hoti hai...

                       😔😔😔😔😔😔😔😔

Some points for life

Zindgi nahi thaharti balki log thahar jate hai. 

Logo ka kusur nahi hota wo apne gam se majbur ho jate hai. 

Lekin utho warna raste hi nikal jate hai, 

Or ek bar raste nikal gye to zindgi ke pal wapas lout kar nahi ate hai.. 

Kya h zindgi.

Jiska koi raj ho wo h zindgi, jiski koi bat ho wo h zindgi, jiski koi chah nahi jiski koi rah nahi magar mano to sari fariyad hai zindgi.

Jab hame kux na mile jab hame kux na dikhe, sab kux karke dekh liya par kux na mile, tab ek boond pani ki aash ka ana hai zindgi.
Jab koi sahara na ho, jab koi kinara na ho, pass me pura parwar to ho par koi tumhara na ho, fir bhi chote se wiswas ki bat hai zindgi.
Kux pane ki aash, kux jatane ki aash, kux sunane ki ash kux likh kar dikhane ki aash, tab us sapne ko pura karne ki bat hai zindgi.
Jab charo taraf andhera ho or kux na dikhe, tab ek diye ki roshni ka jagmagana hai zindgi.
Jab mata pita ke pass koi sahara na ho, age piche log to ho par koi tumhara na ho, tab mata-pita ko ek bete ki aash ka ana hai zindgi.
Ud-ud kar ek panchi ne sara jaha dekh liya, thoda sa thahra lekin fir uda, fir bhi kux na dikha kux na mila, tab achanak najar padi Or ek tinke ke milne se khushiyo ka ana hai zindgi.
Ish jaha me rona bhi hota hai hasna bhi hota hai. Kux karna bhi hota hai kux karke dikhana bhi hota hai, khushiyo ka sawarna bhi hota hai khushiyon ka bikharna bhi hota hai, tab Sare tasavvur ko par kar uth khada hona hai zindgi.
Yaha par na chain hai na hi aram hai, kahi par shanti hai to kahi par wo bhi haram hai, duniya me bahut se utar chadhao hote hai, magar inko jo par kar jaye wahi to hai zindgi.
Kisi ke pass ghar hai lekin ghar chalaane ke liye paise nahi, or kisi ke pass paise hai to kharidne ke liye ijjat nahi, kisi ke pass neend hai lekin Sone ke liye bistar nahi, or kisi ke pass bistar hai  to use neend ane ke liye chain nahi, lekin in sari pareshaniyo ko par kar uth khada hona hi to hai zindgi..